Две од најголемите балкански ѕвезди Глорија и Лепа Брена направија одличен концерт во соседна Бугарија, минатата вечер.
Настанот кој привлече големо внимание кај обожователите на овие две диви, беше незаборавен и се одржа во „Ботев парк“ во градот Козлодуј, а поводот беше празник на градот. Посетеноста говореше сама по себе, дека забавата беше голема и незаборавна.
Глорија како и секогаш блескаше на сцената, исполнувајќи ги своите најголеми хитови, а публиката пееше во еден глас со неа. Подоцна за убавото расположение се погрижи и Лепа Брена со вечните хитови “Robinja“, „Bolis I ne prolazis“, „Luda za tobom“, а двете изведувачки ја запечатија средбата и со заедничка слика.
Бугарската дива неодамна ја израдува публиката со нови народни песни„С ЛЮБИМИТЕ ХОРА“ која е во дует со Николај Славеев, „ПЕСЕН ЗА ПРИЯТЕЛИТЕ“, „ДА ПРАЗНУВАМЕ“ кои се нејзино дело , а ја преработи и познатата песна “Пиј, куме пиј“. Специјално учество во песните имаат едни од најдобрите музичари во Бугарија, Србија, но и од нашата држава, меѓу кои и Недјалко Недјалков и Дани Милев.
Автор: адв.м-р Наташа Секуловска
Фото: Глорија/ Лепа Брена
