Ектра Нина важи за една од најпознатите бугарски попфолк пејачки, која својата кариера ја има започнато уште во раните 90-те години на минатиот век. Имено, таа одлучи заедно со нејзината колешка Весела по повод Новогодишните и Божиќните празници да ги изненадат своите обожователи со нешто ново.
„Мојата нова песна се вика „Царицата“ и е по музика и аранжман на Мартин Биолчев, а текстот го напиша Јордан Георгов. За гост изведувач ја поканив мојата колешка и пријателка Весела, со идеја да ги изненадиме обожователите кои се сеќаваат на нашите дуети и тоа најмногу за „Блодинка“. Видеоспотот е снимен во Бугарија и тоа по моја режија и сценарио“-сподели Екстра Нина за нас.
Ексклузивно ви откриваме дека во првите денови на 2019 година ќе имате можност да слушните и нова народна песна во изведба на позната музичка ѕвезда.
Автор – Наташа Секуловска
Фото – Лична архива