Елена Јовческа дефинитивно ќе го памти засекогаш нашиот голем верски празник Св.Димитриј – Митровден, затоа што на свет се појави нејзината прва среќа – ќерката која го носи името Талија.
Радосната веста прва ја соопшти Елена на нејзините профили во социјалните мрежи, наведувајќи дека се породила во Клиничката Болница „Жан Митрев“ во Скопје, а екслузивно за нас изјави дека на нејзината среќа нема крај, бидејќи во рацете ја држи својата најголема желба – Талија.
Целата бременост на Елена ја водеше д-р Татјана Гуржанова од NewBorn Clinic, а породувањето го изведе д-р Саша Јовчевски со тимот од Клиничката Болница „Жан Митрев“ во Скопје , а поздрави и честитки упатија и многу нејзини колеги и обожователи, додека пак тимот на Estrada World и го честита раѓањето на малата Талија, со желби за среќно и безгрижно детство.