(Видео) „Оган да го гори“ е најновиот музички запис на Сања Ристеска -

По повод 31 година од прогласувањето на независноста на нашата држава, Сања Ристеска одлучи да ги поздрави сите македонци со нова модерна верзија, кон добро познатиот наш бисер, а имено песната „Оган да го гори“.

Таа оригинално е отпеана во 1992-рата година по музика и текст на легендарниот Гоце Николовски и се уште ја паметиме по одличните изведби на Групата „Бисер“, Војо Стојановски и Сузана Спасевска.

„Верувам дека ќе ве направам горда и ќе го зачуваме духот на македонската песна сите заедно” – изјави Сања Ристеска екслузивно за нашиот портал.

Видеоспот е снимен во Крушево и е реализиран во продукција на „Арт студио” и Balkan Music Tv, со аранжман на композиторот Дејан Момировски (XL Studio), но овој пат своја празнична музичка нота во неа дава и Џељо Дестановски со своите зурла и кавал.