Галена без конкуренција – преслушајте го албумот GalenaXX

Најкоментиран албум во реонот во моментот е албумот на фолк дивата Галена кој го издаде специјално по повод прославата на своите 20 години на музичката сцена.

Албумот “GalenaXX”, содржи 20 песни и излезе на специјален датум 20-ти јуни. Половината песни во него се веќе докажани хитови, а останатите се нови песни кои за краткиот период од само неколку часа предизвикаа лавина од коментари низ социјалните мрежи и радиостаниците во соседна Бугарија – искачувајќи го на врвот на најслушани албуми во последните неколку години.

Имено, за разлика од српските изведувачи кои последните години секоја година издаваат нови албуми и тргнуваат на музички турнеи низ Европа, во Бугарија е чиста реткост и смелост да издадеш нов албум, но Галена успеа да покаже дека е прав професионалец и во него вклучи песни од различни стилови, претставувајќи со уникални видеоспотови кои се нејзина запазена марка низ годините, не криејќи ја својата благодарност кон својот тим:

„Зад песните и видеата во GalenaXX стои трудот, кретивноста и посветеноста на голем број на луѓе. Огромна е мојата благодарност кон нив за нивниот професионализам, трпение, бесони ноќи и бескрајни часови, поминати за да се усоврши овој албум. Сите тие луѓе, кои ми ја држеа раката и смело се впуштија во реализација на моите идеи. Тие оставија свој дел од срцето во “GalenaXX”  и вечно ќе им бидам благодарна.

Во прилог преслушајте го албумот:

Автор: Наташа Секуловска
Фото: Галена
©Estradaworld.com Забрането преземање и копирање. Крадењето на авторски текстови е казниво со закон

Напишете коментар

Вашата адреса за е-пошта нема да биде објавена. Задолжителните полиња се означени со *