Роксана – ромската кралица на музиката, покрај убавите вести на приватен план и гламузорната свадба која ја направи пред неколку дена со својот сакан Неч во Велико Трново, Бугарија, изненади со нов музички проект во кој се вклучува Фики Стораро.
Песната „Не ме мисли“ е кавар на познат израелски хит по музика на Тамар Јахалому, Јонатан Калими и Одаја Азулај, која овој пат прозвучи низ перото на Роксана и Анастасија Мавродиева, додека пак аранжманот го изработи композиторот Спас Лазаров. Видеото е дело на Љуси Иларионов и песната ја направи својата официјална премиера во каналот на ѕвездата во YouTube – Roksana Music Channel.
Роксана беше специјален гостин во Ivka Beibe Podcast. каде што отворено како и секогаш зборуваше за проблемите во попфолк жанрот, нагласувајќи:
„Во моментов ми се враќа во старото време, кога пет изведувачи пуштат една песна, тоа го имаше во 90-тите години. За мене не е потребно да се има скандали и не ми е убаво кога ќе видам двајца колеги се караат и кога едниот колега постира нешто кај другиот колега, за да прочита некој друг и за да те нападнат. Секогаш има обожователи кои ќе ме сакаат мене и такви кои ќе те сакаат тебе. За сите под ова небо има публика“.
Во прилог, погледнете ја баладата за која веруваме дека ќе ги освои и вашите срца, затоа што во овој момент е една од најпопуларните и најслушаните во соседна Бугарија:
Автор: Наташа Секуловска
Фото: Роксана
©Estradaworld.com Забрането преземање и копирање. Крадењето на авторски текстови е казниво со закон
